Cun sa punna de fai intrai sa lìngua sarda in calisisiat chistioni de sa vida de is baressesus e dda fai manìgiai a totus dònnia dii, ligendidda puru e no feti chistionendidda, s'operadori de s'isportellu linguisticu de su Comunu at aprontau unu follieteddu de informatzioni istitutzionali de su Comunu scritu totu in lìngua sarda. Dui funt crosidadis asuba de sa lìngua e fintzas inditaus avisus, atòbius, bandus e novas de su Comunu chi podint essi de utilesa manna po sa genti de sa bidda. Totu custas informatzionis funt donadas e fatas isciri in lìngua sarda iscrita. Novas Baressesas si podit agatai in Comunu e in Biblioteca, ma fintzas in is butegas, in su forru de su pani e me is attividadis commercialis puru.